Североисточните делови од Македонија се зафатени со локална атмосферска нестабилност, информираат попладнево од Управата за хидрометеоролошки работи (УХМР).
Според податоците од метеоролозите, во овие региони има повремени врнежи од пороен дожд, проследени со појава на грмежи.
Покрај дождот и грмежите, на овие локации се бележи и повремено засилување на ветерот.
Метеоролошките екипи ја следат состојбата на терен, а граѓаните од североисточниот регион се советуваат на дополнителна претпазливост.