Ненадејно почина потпретседателот на Бундестагот
Потпретседателот на германскиот Бундестаг, Томас Оперман ненадејно почина, откако му се слоши синоќа за време на снимање за телевизијата ЗДФ.
На 66-годишниот политичар од редовите на Социјалдемократската партија на Германија (СПД) му се слоши и изгуби свест за време на снимањето за ЗДФ и итно беше пренесен во болница.
Оперман на крајот на август објави дека нема да учествува на претстојните парламентарни избори.
По три децении како пратеник во покраинското собрание на Долна Саксонија и во Бундестагот, сега е најдобро време да се занимавам со нешто друго и да се свртам кон нови проекти, изјави политичарот во таа прилика.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа