Морничави детали излегуваат на површина за убиството на 35-годишната Марија Маринковска, чија смрт првично беше заведена како природна. Нејзиниот татко, Зоран Маринковски, открива дека последниот контакт на Марија со семејството бил исполнет со страв и претчувство за најлошото.
Во својата изјава за Радио Бум, таткото раскажува дека Марија последен пат разговарала по телефон со својот брат. Во тој судбоносен разговор, таа вознемирено му рекла дека некој упорно ѝ тропа на вратата и дека чувствува голем страв. Утредента, семејството ја примило веста дека таа е мртва.
Иако првично се верувало во природна смрт, ексхумацијата извршена 40 дена по погребот ја откри суровата вистина – Марија била убиена. Таткото се сомнева дека осомничениот Т.Б. ја задушил со јамболија, откако ја нашол својата ќерка полугола во домот. Семејството обвинува дека иако Марија претходно пријавила во полицијата во Старо Нагоричане дека Т.Б. ја следи, соодветна заштита не била пружена.