По тридневната пауза поради празниците, грчките земјоделци од денеска повторно ги активираат блокадите на граничниот премин Евзони. Според најавите, преминот ќе биде целосно затворен за влез и излез за сите видови возила во периодот од 17:00 до 21:00 часот по македонско време.
Протестите на земјоделците од северна Грција денеска се интензивираа и со протестен марш низ градот Килкис (Кукуш). Таму тие симболично фрлија сено и памук пред канцеларијата на потпретседателот на Парламентот, Јоргос Георгадас, незадоволни што тој одбил да се сретне со нив.
За утре во близина на Солун е закажан голем состанок на претставници од цела Грција, каде ќе се одлучува за следните чекори. Не се исклучува можноста за целосно затворање на патните правци низ државата, па дури и организирање на голем протест со трактори во центарот на Атина.