По повод Светскиот ден на срцето, денеска во Europe House Скопје ќе се одржи едукативен панел под мотото „Не пропуштај ниту еден ритам“ (Don’t Miss a Beat).
Настанот го организира Здружението за кардиологија, во партнерство со Министерството за здравство и Канцеларијата на Светската здравствена организација (СЗО) во Скопје.
Целта е да се подигне јавната свест за сериозноста на кардиоваскуларните заболувања, со акцент на превенцијата, раното препознавање на симптомите и контролата на ризик-факторите.
На панелот ќе учествуваат претставници на Здружението за кардиологија, Министерството за здравство и СЗО, кои ќе зборуваат за важноста на превентивните прегледи, раната дијагностика и навременото лекување.
Организаторите посочуваат дека здравите животни навики, редовните прегледи и навремената медицинска грижа се меѓу клучните фактори за спречување на кардиоваскуларните заболувања и спасување животи.