Нападнал полицаец, па му влегле дома: Падна дилер од Џепчиште

35-годишник од тетовското село Слатино е приведен поради напад на полициски службеник. Апсењето се случило завчера пред полноќ, а веќе следниот ден полицијата извршила претрес во неговиот дом каде била пронајдена дрога.

-Вчера во 12.10 часот, полициски службеници од СВР Тетово и ПО Теарце извршија претрес во дом и помошни простории кај Б.С.(35) од с.Слатино, тетовско, кој претходниот ден околу 23.50 часот бил лишен од слобода на локалниот пат с.Џепчиште- с.Варвара поради напад врз полициски службеници кои вршеле службени дејствија. При претресот се пронајдени и одземени две дигитални ваги и пет кесички со бела прашкаста материја, се вели во полицискиот билтен на СВР Тетово.

По документирање на случајот, велат оттаму, ќе биде поднесена соодветна пријава.