Времето останува стабилно и претежно сончево до крајот на декември, без значителни врнежи и со постепено опаѓање на температурите, покажува долгорочната прогноза.
Во текот на оваа и следната недела дневните температури ќе се движат меѓу 8 и 14 степени, додека утринските минимални ќе паѓаат од –1 до –3 степени. Кон средината на месецот се очекува краткотрајна променлива облачност, но без поголеми промени во времето.
Од 21 до 27 декември следува свеж и претежно облачен период, со дневни температури околу 6–9 степени, а минималните ќе се движат меѓу 0 и –6 степени.
Во последните денови од годината времето повторно ќе се разведри. На 31 декември се очекува стабилно и сончево време, со дневни температури околу 1 степен, а утринските ќе се спуштат до –7 степени, што значи дека Новогодишната ноќ ќе биде студена, но мирна и без врнежи.