Министерот за надворешни работи, Тимчо Муцунски, на Фејсбук сподели за пораките кои ги упатил во Вашингтон, САД, како дел од Министерски состанок посветен на заканите од подемот на политичкиот тероризам.
-„На покана на државниот секретар на САД, Марко Рубио, во Вашингтон учествував и се обратив на министерскиот состанок посветен на заканите од подемот на политичкиот тероризам.
Заедно со високи претставници од повеќе од 60 држави, разговараме за зајакнување на меѓународната соработка и институционалната подготвеност за справување со новите безбедносни предизвици.
Настанот е значајна можност за продлабочување на соработката со САД и другите меѓународни партнери, преку поефикасна размена на безбедносни и оперативни информации и координиран пристап.
Политички мотивираниот тероризам не смее да остане слепа точка во нашата заедничка безбедносна архитектура. Современите закани бараат координиран одговор, силни институции, цврсти партнерства и целосно почитување на владеењето на правото”, напиша Муцунски на Фејсбук.