Министерот за надворешни работи и надворешна трговија, Тимчо Муцунски информираше дека на покана на министерот за надворешни работи на Босна и Херцеговина, денеска учествувал на состанокот на шефовите на дипломатиите на земјите од САД – Јадранската Повелба (А5).
„Ја истакнав значајната улога на САД и поддршката што ја даваат за оваа регионална иницијатива повеќе од две децении, нагласувајќи дека нејзиното продолжување е од клучно значење за зајакнување на безбедноста, стабилноста и просперитетот на регионот“, истакнал Муцунски.
Муцунски исто така, посочил дека е неопходно постојано да се одговара на предизвиците и заеднички да се наоѓаат најефикасните решенија, каде повикал на засилена и прагматична регионална соработка.
„Додадов дека усогласувањето со политиките и приоритетите на НАТО и Европската Унија ќе го подготви регионот за идната интеграција и ќе поттикне економски развој, демократска отпорност и посилна социјална кохезија“, додаде Муцунски.