Маж од скопско пријавил во СВР Скопје дека бил измамен за околу 28.700 евра, откако лице кое се претставило како службеник во државна институција му ветило дека ќе му помогне да го врати претходно запленетиот златен накит.
Според пријавата, измамата се случувала во периодот од 12 ноември 2024 до 12 јануари 2025 година. Двајцата се запознале во занаетчиски дуќан во Скопје, каде што осомничениот му рекол дека преку свои пријатели може да посредува за враќање на накитот, но дека за тоа е потребно да му исплати одредена сума.
Верувајќи во неговите тврдења, оштетениот му предал околу 28.700 евра, а подоцна сфатил дека станува збор за измама и случајот го пријавил во полиција.
Од МВР информираат дека се преземаат мерки за целосно расчистување на случајот.