УХМР ги измери температурите во осум часот низ Македонија. Според податоците, на Попова Шапка има најниска температура утринава, 17 степени.
УХМР измери 27 степени во Гевгелија, со што во осум часот е најтопол град во Македонија. Следат Кавадарци со 26, Куманово со 25, Крива Паланка со 24 и Скопје со 23 степени.
Денеска времето ќе биде сончево и топло со мала до умерена облачност и слаб до умерен северен ветер. Попладне се очекува локална нестабилност со пороен дожд, грмежи, засилен ветер и можност за краткотрајно невреме со град. Температурите ќе се движат од 12 до 22 степени наутро, а дневните ќе достигнат од 30 до 38 степени.
Во Скопје ќе биде сончево и топло, а попладне се очекуваат пороен дожд, грмежи, засилен ветер и можност за краткотрајно невреме. Температурата ќе биде од 17 до 35 степени.
Според УХМР, утре и во петок времето ќе биде променливо облачно и нестабилно со повремени врнежи и грмежи, а локално се можни невреме, силен ветер и град. Температурите ќе опаѓаат, а за време на викендот ќе преовладува посвежо време со умерен до засилен северен ветер.