Во рамки на меѓународниот одбранбен саем во Братислава, министерот за одбрана Владо Мисајловски оствари одвоени билатерални средби со домаќинот, министерот за одбрана на Словачка, Роберт Калинак и министерот за одбрана на Чешка, Јаромир Зуна.
-Взаемно од двете средби е потврдата за заедничката определба за продлабочување на одбранбената соработка, со фокус кон зајакнување на националната и колективната безбедност. Со Чешка и со Словачка имаме високо ниво на меѓусебна доверба што претставува силна основа за понатамошен развој и реализација на заеднички активности и проекти, истакнува Мисајловски.
Министерот посочува дека на средбите се разговарало за интензивирање на заедничките активности во делот на модернизација на капацитетите и развој на одбранбената индустрија.
-Посебен акцент ставивме на имплементацијата на договорите Влада со Влада како и можноста за користење на европските инструменти и механизми. Остануваме посветени на заедничките цели во НАТО, ЕУ и регионалните иницијативи. Безбедноста и стабилноста пред се, стои во објавата на министерот за одбрана.