Струмица е најстудениот град во Македонија ова утро со измерени -6 степени, додека во Скопје и Гевгелија температурите се спуштија до -4, односно -3 степени. Според податоците на Управата за хидрометеоролошки работи (УХМР), во изминатите 24 часа најмногу дожд наврнал во Лазарополе, каде се регистрирани 24 литри на метар квадратен.
Времето во текот на денот ќе се задржи променливо облачно. Во западните делови се очекуваат повремени локални врнежи од дожд, а на повисоките планини врнежите ќе бидат од снег. Умерен до засилен ветер од јужен правец ќе дува низ целата земја, а дневниот максимум ќе се движи меѓу 6 и 12 степени.
Во Скопје облачноста ќе биде променлива, со услови за појава на слаб дожд во одредени делови од котлината.
„Најниска температура од -6 степени Целзиусови утрово е измерена во Струмица, соопшти УХМР. Во изминатите 24 часа до 7 часот утрово најмногу воден талог е измерен во Лазарополе од 24 литри на м2.“