Грчкиот премиер Киријакос Мицотакис бил прегледан во болница откако паднал од велосипед, пренесуваат локалните медиуми.
Инцидентот се случил во понеделникот, по што Мицотакис се упатил во болничка амбуланта. При падот се здобил со повреда на раката и неколку помали гребнатини.
По извршениот медицински преглед и укажаната прва помош, грчкиот премиер бил пуштен од болницата и ја продолжил својата дневна агенда.
Според досега објавените информации, станува збор за полесни повреди.