Премиерот Христијан Мицкоски лично се вклучува во решавањето на сообраќајниот јазол на границите. Тој денеска најави дека веќе побарал итен телефонски разговор со претседателката на Европската комисија, Урсула фон дер Лајен, со цел да се изнајде решение за правилото „90/180 дена“ кое ги кочи македонските камионџии.
„Ова прашање го држиме отворено со Брисел уште од септември. Министерот Муцунски е во постојан контакт со европските партнери. ЕУ си има свои механизми, но ние мораме да најдеме варијанта која ќе им овозможи на нашите превозници да работат без да бидат третирани како туристи“, изјави Мицкоски при посетата на Гази Баба. Тој изрази оптимизам дека со заеднички притисок од целиот регион, Брисел ќе попушти пред барањата на транспортерите.