Мицкоски: По мој вкус, ние произведуваме најубаво вино во Европа

Она што е дел од македонските медиуми би рекол во огромна бројка се присутни овдека денеска на Саемот на виното во Белград. Драго ми е што сте дел од оваа македонска вечер што ја организираме овде во чест на промоција на македонското вино. Ценам дека според мојот вкус, а и според вкусот на многумина произведуваме можеби најубаво вино во Европа, јас би рекол и пошироко, изјави премиерот Христијан Мицковски вечерва од Белград каде се презентираат македонските вина.

Според него овој Саем на вино и организацијата која што ја води истиот е навистина добра можност за македонските винарии за создавање нови контакти, отворање нови пазари бидејќи има држави коишто се присутни каде што македонските вина не се присутни на пазарот.

„Јас сум убеден дека кога еднаш ќе се појават на тој пазар сигурен сум дека ќе станат неодолив и неодминлив дел од трпезата на домаќинствата во тие држави. Навистина денот е исполнет со промоција на Македонија како туристичка дестинација и на виното како производ којшто нас многу ни значи и е стратешки производ. Така што, еве во останатиот дел од вечерта да уживате во прекрасната македонска музика и во прекрасното македонско вино овде во Белград“, изјави Мицкоски.