Мицкоски од Свети Николе: Ниту анкетите напишани на Бихаќка нема да им помогнат, пирејот се буди

Претседателот на најголемата политичка опција во Македонија - ВМРО-ДПМНЕ, Христијан Мицкоски вечерва од Свети Николе порача дека на 15-ти јули одлучуваме за иднината на нашата татковина. Тоа нема да биде обичен ден. Треба сите масовно да излеземе и да гласаме за горда Македонија, за млади луѓе кои имаат поинаква визија, кои се подготвени да се справат со сите предизвици кои не чекаат од 16-ти јули. Коалицијата за обнова поддржува право и правда, чест и честитост и нула толеранција за корупција.  

-Одлуката овој пат е помеѓу сосема две спротивставени политички понуди. Срам или чест. Подвитката кичма или исправена кичма. Да не спомнувам какво предавство направија на сопствениот народ. Ветувајќи му подобра иднина. А денеска по скоро четири години мандат, Европската унија ги затвори вратите за граѓаните на Македонија. Ете таква перпектива овие луѓе можат да донесат и ја донесоа. А за пљачки да не зборам. Ќе почнам од нивниот генералниот секретар, па ќе завршам со куферчето Луј Витон кое заврши во Обвинителтвото кое веќе не постои. Затоа овде јасно и гласно да се разбереме. Секој оној кој ќе заокружи за Љупчо Николовски, слугата на Зоран Заев, директно заокружува за уништување на Македонија. Затоа на 15-ти јули јас чувствувам голема енергија, го чувствувам пирејот како се буди во секој еден, без разлика на етничката и верска различност, голема победа се случува. Голема победа ќе се случи на Коалицијата за обнова предводена од ВМРО-ДПМНЕ. Ниту оние анкети напишани на Бихаќка нема да им помогнат, порача Мицкоски.

Не може да правиме држава, без да има одговорност, рече Мицкоски пред жителите на Свети Николе. Затоа мора секој од политичарите да докаже како го стекнал својот имот, своите автомобили.

-Не можам да се помирам со фактот кој што го видов додека го посетував секој греад секое село. Тага во очите кај народот. Тага и болка во градите. А разочарување се изговара од устата. Затоа што секој се чувствува изневерен, излажан. Па, луѓето велат сите политичари се исти. Не сме исти. Заврши времето на СДСМ политичарите - елитисти, завалени во кожни фотељи кои газат по дебели црвени персиски килими. Овие политичари ќе го следат принципот на народот. И овдека заедно со народот ќе си ја обновуваат Македонија. Ние не сме СДСМ па да владееме со народот, туку заедно со народот ќе ја обновуваме татковината. Тоа треба на сите да им е јасно. А оние кои владеева во минатото и се богатеа на грбот на народот и се огрешиле пред законите, одговорност ќе има. Од 16-ти јули започнуваме веднаш со лоцирање на одговорноста, порача Мицкоски.

 

 

 

Добивајте вести на Viber

07.07.2020 - 21:34

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега