Претседателот на Владата, Христијан Мицкоски, денеска престојуваше во работна посета на Кратово, каде присуствуваше на пуштањето во функција на нов спортски објект. Премиерот упати честитки до градоначалникот Тодорче Николовски и општинската администрација за успешната реализација на ветените проекти.
Мицкоски нагласи дека присуството на владиниот врв во Кратово е јасна порака дека централната власт ќе продолжи силно да ги поддржува локалните самоуправи преку пренасочување средства од буџетот.
„Наш интерес како Влада е интересот на граѓаните. Неколку проекти овде се реализираат со средства кои ги пренасочивме од централниот буџет кон општините и тој процес ќе продолжи и во иднина. Нека е честито пуштањето во функција на овој објект и од тука да изникнат многу спортски таленти“, изјави Мицкоски.