Претседателот на Владата, Христијан Мицкоски, денеска присуствуваше на свеченото пуштање во употреба на реконструираниот Дом на културата „11 Октомври“ во населбата Ченто. Мицкоски истакна дека овој проект е само дел од масовната офанзива од над 1.000 проекти кои во моментов се реализираат низ целата држава.
Премиерот откри дека првиот квартал од годината завршува со историски висока реализација на капитални инвестиции од над 31%.
„Државата денеска е едно големо градилиште. Очекувам до крајот на годината не само да ги реализираме, туку и да ги натфрлиме планираните бројки за капитални инвестиции. Ова е историско ниво за Македонија“, изјави Мицкоски.