Премиерот Христијан Мицкоски изразил оптимизам дека владините мерки ќе помогнат да се спречи повторувањето на ценовниот шок од 2022 година.
„Робусните мерки се првиот чекор којшто го преземаме. Очекуваме да тоа влијае при контрола на инфлацијата, ако се вратиме во 2022-та, март-април ќе беше двоцифрена, јас очекувам да ние сега во март некаде на половина од тоа што било тогаш“, изјави Мицкоски.
Премиерот рече дека според тековните анализи и дневните следења на пазарот, инфлацијата веќе се стабилизира.
„Врз основа на пресметките кои ги правиме, бидејќи следиме на дневна основа со Државниот пазарен инспекторат, очекуваме тука помеѓу 4 и 5%“, рече Мицкоски.
Сепак рече дека според информациите кои ги има Владата, се очекува продолжена криза и мора да се подготвиме за тешка година.