Македонската делегација, предводена од премиерот Христијан Мицкоски, денеска ќе учествува на состанокот на лидерите на Европската Унија и Западен Балкан во Њујорк, во рамки на Генералното собрание на Обединетите нации.
Состанокот ќе го води високата претставничка на ЕУ за надворешна политика и безбедност, Каја Калас.
Во пресрет на средбата, Мицкоски побара поголемо вклучување на претставници на ЕУ во разговорите за надминување на разликите со Бугарија.
Премиерот посочи и дека од ЕУ пристигнуваат позитивни сигнали, особено по самитот на Унијата и земјите од Западен Балкан во Тиват.
Според Мицкоски, на самитот била отворена и иницијатива од Германија и Франција за реформирање на процесот на проширување на Европската Унија.