„Ние играме тивко, анализираме и мериме пред да донесеме одлуки, без естрада и галама. Целта ни е да движиме работите напред одмерено, без хистерија и претенциозност пред граѓаните“, изјави премиерот Христијан Мицкоски во синоќешното гостување на „Заспиј ако можеш“.
Тој оцени дека актуелниот тим на СДСМ е осуден на пропаст.
„Залудни им се советниците од Србија под менторство на поранешниот советник на Заев кои партијата ја претворија во прокси на нашиот, се уште легитимен, политички противник. Денеска гледам група луѓе што ја приватизирале СДСМ и користат реторика што не ѝ доликува на една државотворна партија. На краток рок можеби успеваат, но на среден и долг рок се осудени на пропаст“, истакна Мицкоски.
Премиерот додаде дека можеби некој во СДСМ барем малку е свесен за тоа што се случува, но дека тоа е нивна работа.
„Не знам дали СДСМ е свесен дека игра улога на прокси, но мислам дека ќе преовладее некаков разум. Сепак, тоа е нивна работа“, заклучи Мицкоски.