Мицкоски до Ковачевски: Државните интереси не се ставаат во ексел табела

Да можеше водење на држава да се стави во ексел табела, ќе беше лесно за секој да води држава. Човекот треба да знае дека водењето на државата не е исто со неговата наследена ексел табела добиена за партијата. Државните интереси не може да се стават во ексел табела, ниту пак животот на граѓаните, напиша на Фејсбук, лидерот на ВМРО-ДПМНЕ, Христијан Мицкоски по денешната изјава на премиерот Димитар Ковачевски дека тој и бугарскиот премиер сакаат ексел табели, рокови и остварување.

„А кога сме кај ексел табелите, поважно е што таму бројките кажуваат повторно дека сме меѓу најкорумпираните во Европа на делба од 87 до 95 место, буџетски дефицит од околу 7.255.000.000 денари или нов долг за секое семејство за само 24 дена од 2022 година од околу 14.500 денари!

Овој пат да пробаме без ексел табели, туку со работа за она што е важно за народот, заштита на интересите, повеќе пари и иднина за сите“, напиша Мицкоски.