Мерц: Војната во Украина ќе потрае
Германскиот канцелар Фридрих Мерц изјави денес дека се очекува војната во Украина да се одолговлекува поради неподготвеноста на Русија да започне преговори.
„Војните обично завршуваат поради економска или воена исцрпеност на едната или на двете страни, а во оваа војна очигледно сме сè уште далеку од тоа“, рече Мерц на заедничката прес-конференција со финскиот премиер Петери Орп во финскиот град Турку.
Тој додаде дека Европа можеби ќе мора да се подготви за подолго траење на војната, пренесува Ројтерс.
Мерц, за време на престојот во Литванија минатата недела, рече дека преговорите меѓу Русија и Украина се „сè уште во рана фаза“ и би можеле да траат со месеци.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
