Членот на Централниот комитет на ВМРО-ДПМНЕ, Валентин Манасиевски, денеска изнесе тешки обвинувања за работењето на згаснатото Специјално јавно обвинителство, повикувајќи се на сведоштвата на поранешната обвинителка Лејла Кадриу. Според Манасиевски, СЈО наместо институција на правдата, било „партиски штаб на СДС“ каде се кроеле политички прогони.
„Сведоштвата на Кадриу потврдуваат дека Зоран Заев, Радмила Шекеринска и советници на Оливер Спасовски биле најчести гости кај Катица Јанева. Тие носеле ‘бомби’ напишани на ливчиња, без записници, а обвинителите Ристоска и Бубевски противзаконски ги преземале. Овие ‘специјални гости’ диктирале кој да биде гонет, а кој изземен од истрагите“, истакна Манасиевски.
Тој додаде дека Катица Јанева била само „медиокритет кој сакал медиумско профилирање“, додека со институцијата во позадина раководеле Ленче Ристоска и Гаврил Бубевски.