Владејачката партија ВМРО-ДПМНЕ преку прес-конференција на портпаролот Валентин Манасиевски упати остри критики до опозициските партии за блокада на реформските процеси во земјата.
Манасиевски истакна дека неподнесувањето на новиот Изборен законик уште еднаш ја потврди политиката на опозицијата водена од принципот „колку полошо за Македонија, толку подобро за нив“.
Според него, во моментите кога државата има реална можност да исполни клучна реформска обврска, СДС, Левица и ДУИ свесно избираат блокада.
Од партијата соопштуваат дека од предвидените 10 реформи, самите реализирале 9, а до последната не се стигнало токму поради опозициското кочење.
Манасиевски обвини дека кога за клучните прашања е потребен широк консензус, СДС, Левица и ДУИ намерно избираат конфронтација со власта.
Во соопштението се нагласува дека целта на овие партии не е подобрување на изборниот процес, туку спречување на реформскиот успех на државата.
Од ВМРО-ДПМНЕ тврдат дека опозицијата редовно го избира сопствениот партиски интерес секогаш кога тој ќе се судри со државниот интерес.
На крајот од прес-конференцијата беше порачано дека државата нема да биде заложник на блокадите, туку реформите и развојот ќе продолжат.