Недонесувањето на новите измени во Изборниот законик во целост ја разобличи реалната политика што ја водат СДС, Левица и ДУИ, обвинуваат од владејачката ВМРО-ДПМНЕ. Портпаролот на партијата, Валентин Манасиевски, преку прес-конференција посочи дека главната цел на опозициското трио е да се кочи секој позитивен процес во државата, сè со цел да се оствари ситен политички профит од евентуалните застои.Според неговите тврдења, владејачкото мнозинство покажало максимална конструктивност и ги прифатило речиси сите опозициски барања во текот на преговорите. Сепак, како што се наведува во нивната реакција, опозицијата на крајот свесно го минирала финалниот договор бидејќи не можела да се помири со реализацијата на уште една клучна реформа за земјата.Од владејачката партија порачуваат дека без оглед на овие опструкции, реформскиот курс на државата нема да запре и дека разликата во дејствувањето веќе е препознаена од јавноста.Во продолжение е првиот дел од интегралниот текст на соопштението:
„Недонесувањето на новиот Изборен законик ја разобличи вистинската политика на СДС, Левица и ДУИ, пишува во денешното соопштение на ВМРО-ДПМНЕ од прес-конференција на портпаролот Валентин Манасиевски, што МИА го пренесува интегрално. Проблемот на ова трио е што не можат да поднесат уште еден реформски успех на Македонија, затоа блокираат кога имаат можност. Иако беа прифатени сите нивни барања кои беа се, само не суштински, тие договорот не го прифатија затоа што не можеа да прифатат дека Македонија ќе запише уште еден реформски успех.“