Францускиот претседател Емануел Макрон денеска упати драматичен апел, нагласувајќи дека двонеделниот прекин на огнот меѓу Вашингтон и Техеран не смее да застане таму. Пред состанокот на Советот за одбрана, Макрон порача дека израелските напади врз Либан мора веднаш да престанат.
„Ситуацијата во Либан е критична. Она што го гледаме – израелските напади и окупацијата на јужен Либан – не е вистинскиот одговор на кризата“, изјави Макрон, кој е еден од најголемите сојузници на Бејрут.
Додека Макрон инсистира на преговори, израелскиот премиер Бенјамин Нетанјаху веќе ги „потопи“ надежите за брзо смирување на овој фронт, изјавувајќи дека примирјето со Иран „не го вклучува Либан“.