Највисока температура во 11 часот претпладнево е измерена во Гевгелија, каде термометрите покажаа 35,3 степени Целзиусови, покажуваат официјалните податоци од Управата за хидрометеоролошки работи (УХМР).
Високи температури се забележани и во другите градови низ државата. На мерната станица Зајчев Рид во Скопје се измерени 33 степени, додека во Струмица се измерени 32,4, во Кавадарци 32,3 и во Демир Капија 32,2 степени. Во Велес температурата достигна 31,8 степени, а на мерната станица Скопје-Петровец беа измерени 31,6 степени.
Најсвежо претпладнево е на планините, односно на Попова Шапка каде се измерени 19,3 степени и во Крушево со 24 степени. За Лазорополе и Тополчани во овој термин нема официјални податоци за измерената температура.