Македонија во Ла Валета: Традицијата е на наша страна, победата е императив
Фудбалската репрезентација на Македонија вечерва гостува во Ла Валета, кај Малта во квалификациите за пласман на Европското првенство.
Победата против аутсајдерот во Ц-групата е императив за избраниците на Благоја Милевски. Само со победа ќе биде поврдена добрата игра и освоениот бод против европскиот првак Италија, во сабоата во Скопје.
На почетокот на овој квалификациски циклус, Македонија не блескаше против Малта но сепак славеше со 2:1, со головите на Елиф Елмас и Дарко Чурлинов.
Македонија и Малта досега одиграле пет натпревари. Четири победи има Македонија, еден натпревар, пријателски во далечната 2010 година завршил без победник.
Традицијата е на нашата страна, но победата треба да се извојува на теренот. Со три бода Македонија ќе го задржи чекорот со Украина и Италија за второто место во групата.
Натпреварот во Ла Валета ќе започне во 20.45 часот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
