Северна Македонија е единствената земја во Европа која сè уште нема биометриски лични карти (ID card), посочува во соопштението потпретседателот на Алијансата за Албанците (АА), Кренар Лога.
Лога предупредува дека моменталните лични документи лесно се фалсификуваат и можат да бидат злоупотребени, особено во изборните процеси.
Според АА, оваа состојба го загрозува изборниот резултат и чесноста на процесот, безбедноста на државата и регионот, имајќи ја предвид слободата на движење на Западен Балкан само со лични карти.
„Доколку постои итност во земјата, тоа е трансформацијата на сите овие лични документи во биометриски“, порачува Лога.