Министерот за култура и туризам, Зоран Љутков, денеска ќе престојува во работна посета на Битола, каде што ќе оствари средба со раководството на Општина Битола и ќе направи увид во тековните градежни активности во киното „Партизан“.
Во рамки на посетата, министерот ќе ја посети и Јени-џамија, каде што ќе се запознае со текот на конзерваторските и реставраторските работи на овој значаен споменик на културното наследство.
Работната агенда ќе заврши со обиколка на археолошкиот локалитет Хераклеја, соопшти Министерството за култура и туризам.