Легендарниот актер Вилијам Шатнер, најпознат по улогата на капетан Кирк во серијата „Ѕвездени патеки“, доживеа медицински итен случај на 94-годишна возраст и беше префрлен во болница со брза помош по проблеми со нивото на шеќер во крвта, според американските медиуми.
Според информациите достапни за јавноста, Шатнер доживеал ненадејни здравствени тешкотии во среда попладне додека бил во својот дом во Лос Анџелес. Веднаш ги повикал службите за итни случаи, а противпожарната и спасувачката екипа пристигнала на неговата адреса. По прегледот, актерот бил префрлен во блиската болница каде што бил задржан на понатамошен медицински третман. Изворите велат дека Шатнер моментално е добро и мирно одмора.
И покрај неговата напредна возраст, Шатнер сè уште има активна актерска кариера и работи на неколку нови проекти. Минатиот месец учествуваше на панелот „Dragon Con“ во Атланта, каде што уште еднаш го потврди својот статус на еден од најомилените херои меѓу љубителите на научна фантастика.
Неговата улога како капетан Џејмс Т. Кирк, која ја играше од 1966 до 1969 година, останува едно од најважните достигнувања во телевизиската историја. Шатнер се врати во таа улога неколку пати – во анимираната серија и во седум филмски продолженија до 1994 година. Публиката го памети по бројни други телевизиски проекти, меѓу кои и насловната улога во криминалистичката серија Т.Џ. Хукер.