Туристичкиот сектор во земјава минатата година (2025) забележал раст. Според најновите податоци на Државниот завод за статистика (ДЗС), вкупниот број на туристи е зголемен за 6,0% во однос на 2024 година.
Овој раст се должи исклучиво на странските посетители. Бројот на странски туристи скокнал за 10,3%, додека кај домашните туристи е регистриран пад од 2,2%. Слична е ситуацијата и со ноќевањата, кои бележат вкупен раст од скромни 0,8%. Странците оствариле 6,4% повеќе ноќевања, додека домашните гости ноќевале за 4,1% помалку во споредба со претходната година.
ДЗС објави податоци и за декември 2025 година, каде доминацијата на странците е уште поизразена – тие сочинувале 63,3% од вкупниот број гости, наспроти 36,7% домашни туристи.