УХМР ги измери температурите во Македонија утрово во осум часот. Според податоците, најстудено утро има во Берово каде се измерени само 2 степени. Следат Попова Шапка, Битола и Крива Паланка со по пет степени.
Со 14 степени, Гевгелија утрово е најтоплиот град во Македонија.
УХМР во осум часот утрово во Скопје измери само 7 степени, а се најавува и посвеж ден.
Денеска наутро ќе биде ведро и постудено, а во текот на денот сончево со мала до умерена локална облачност. Ќе дува слаб до умерен ветер од северен правец, кој долж Повардарието повремено ќе засилува, информираат од Управата за хидрометеоролошки работи.
Минималната температура ќе биде во интервал од 1 до 12 степени, а максималната ќе достигне од 18 до 25 степени.
Во Скопје ќе биде сончево со мала до умерена локална облачност. Ќе дува слаб до умерен ветер од јужен правец. Минималната температура ќе се спушти до 7, а максималната ќе достигне до 23 степени.
Под влијание на циклонска активност, во петок попладне и во текот на ноќта кон сабота ќе има врнежи од дожд, кои наместа ќе бидат пообилни, со над 30 литри на квадратен метар.
Потоа следува период на стабилно време со пониски утрински температури.