Кузеска: Очекуваме инситуциите да го расчистат случајот со спорниот тендер од 136 милиони евра
Портпаролката на СДСМ, Богданка Кузеска во дебатната емисија „Топ тема“ на телевизија Телма истакна дека ВМРО-ДПМНЕ биле нервозни затоа што со кавгите и она што се случува во Град Скопје се покажало вистинското лице на оваа партија, за која истакна дека не работела за граѓаните.
„Очекуваме институциите да го расчистат случајот со спорниот тендер од 136 милиони евра. Има премногу „случајности“ во овој случај, особено што до вчера ВМРО-ДПМНЕ тврдеше дека Аровска е нивна најдобра градоначалничка, најдобра менаџерска во светот, а сега кога се скраа тврди друго. Перински му беше шеф на кабинет на Мицкоски. Затоа ВМРО ДПМНЕ со денови молчи за причините, за она што се случува во Град Скопје и за Мицкоски“ рече Кузеска.
Кузеска јавно го повика портпаролот на ВМОР-ДПМНЕ да ги дадат одговори за сите сомнежи околу овој тендер и додаде дека Мицкоски не излезе да одговори, туку излегува Ковачки, кој ги остави војниците за да му служи нему.
„Каде е тука моралот, зарем не е предизвик за еден полковник да остане во Армијата, која сега е членка на НАТО, туку дојде да влезе во собраниска сала да пали со запалка, дојде со неразјаснета улога во 27 април и со голем сомнеж за инцидентот кај Мавровка, за време на протестите, истакна Кузеска.
Никој од градоначалниците на ВМРО-ДПМНЕ не работат за граѓаните, за скопјани. Тоа граѓаните на Скопје не го заслужуваат. На државата и на граѓаните им треба конструктивност, не им треба бојкот, порача портпаролката на СДСМ Богданка Кузеска во емисијата „Топ тема“ на телевизија Телма.
21.09.2022 - 21:31
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
