Полицијата во Куманово на 2 јануари го приведе првиот осомничен во случајот кој го потресе регионот. Станува збор за 31-годишен маж кој директно учествувал во уцените врз 16-годишна малолетничка. Истражните органи работат на идентификување на сите членови на групата која со месеци се изживувала со девојчето, пренесе Алсат.
Најмалку 17 лица се под лупа на полицијата за вмешаност во организирано сексуално насилство и уцена.
Жртвата била уценувана со објавување интимни фотографии доколку не исплати пари или не даде сексуални услуги.
За овие кривични дела е предвидена затворска казна до 10 години, а со оглед на тоа што се работи за група, санкциите можат да бидат и драстично повисоки.
Полицијата и социјалните служби веќе се вклучени во случајот за да ѝ ја пружат неопходната помош на малолетничката, додека се очекуваат нови апсења во наредните денови.