Крвава семејна веселба во кичевско
Полициски службеници од полициското одделение во кичевското село Зајас околу 3 часот утринава го лишија од слобода Б.У.(46) од кичевското село Бачишта, на привремена работа во Австрија.
-Тој, претходно, на семејна веселба во истото село неовластено испукал повеќе куршуми од пиштол „Смит и Весон“, сопственост на неговиот татко Р.У.(64) од истото село, кој го поседувал со дозвола. Притоа, Е.Е.(33), М.Р.(57) и една малолетничка, сите од селото Бачишта, кои биле на веселбата, се здобиле со повреди и биле пренесени во Итната медицинска помош во Кичево, каде им биле констатирани тешки телесни повреди, информира портпаролот на СВР Охрид, Стефан Димоски.
Димоски посочува и дека од Р.У. бил одземен пиштолот и 300 куршуми, кои ги поседувал со дозвола.
По целосно документирање на настанот, ОВР Кичево ќе поднесе соодветни пријави.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
