Овогодинешниот Ден на жената во соседството се претвори во вистински кошмар. 35-годишен маж во Темишвар, Романија, ја избодел својата мајка до смрт во станот каде што живееле заедно. Страшното злосторство доби уште побизарна завршница кога убиецот, целиот облеан во крв, излегол на улица и во напад на бес почнал да ги крши стаклата на паркираните возила.
Соседите, згрозени од сцената, успеале да го задржат подивеаниот маж до пристигнувањето на полицијата. Иако итните служби се обиделе да ја спасат несреќната жена, повредите од нож биле фатални. Убиецот е уапсен и со рани на рацете е пренесен во болница под силно полициско обезбедување.