Портпаролката на Белата куќа, Кејти Закарија, се повлекува од својата функција по само неколку дена на работа, откако претседателот Доналд Трамп јавно ѝ порача да ја „преиспита“ својата позиција поради крајно неуспешниот почеток и контроверзите што се појавија во јавноста.
– Реков: „Искрено, да бев на твое место, би размислил повторно“, им изјави Трамп на новинарите, осврнувајќи се на разговорот што го имал со Закарија.
Заминувањето на втората портпаролка во новата администрација доаѓа само една недела откако Трамп објави дека таа ја презема функцијата од Каролин Ливит. Проблемите за Закарија започнаа за време на нејзиниот прв 14-минутен медиумски брифинг, каде што изгледаше видливо нервозно и одговори на само неколку прашања.
Меѓутоа, ситуацијата ескалираше кога таа во телевизиски настапи тврдеше дека е адвокат, но не успеа со сигурност да каже каде го положила правосудниот испит, тврдејќи дека тоа било „кога се преселила во Кина“. По ова, медиумите објавија дека тя всушност нема положено правосуден испит, а здруженијата за надзор поднесоа и официјална жалба до адвокатурата во Калифорнија.
Поради притисокот од јавноста и катастрофалниот почеток, Закарија ја напушта функцијата, со што го собори рекордот за еден од најкратките мандати во историјата на американската администрација.