Асоцијацијата на превозници „Макам-транс“ попладнево донесе одлука за прекин на протестите на сите гранични премини низ државата. По добивањето на официјалната потврда од министерот за транспорт, Александар Николоски, дека Европската комисија ќе донесе нова стратегија за визи, возачите решија да ги повлечат камионите.
Блокадите на премини како Богородица, Блаце, Ќафасан и Деве Баир, кои траеја четири дена, завршуваат вечерва точно во 20:00 часот, со што сообраќајот за влез и излез од државата ќе се нормализира.
„Бидејќи е добиена потврдата која ја очекувавме за промените, Ве информираме дека протестот ќе биде ПРЕКИНАТ. Заедништвото и истрајноста дадоа резултати“, соопштија од „Макам-транс“.