Косово обезбедило 500.000 вакцини

Косовскиот министер за здравство, Арменд Земај вели дека Косово обезбедило 500 илјади анти ковид вакцини од „Фајзер“ кои ќе им бидат дадени бесплатно на граѓаните.

„Во рамките на конкретните обврски за обезбедување вакцини против ковид-19, би сакал да ја споделам со граѓаните информацијата дека обезбедивме 500.000 вакцини против оваа болест од компанијата Фајзер. Потврда за обезбедувањето на овие вакцини ни дадоа претставниците на Фајзер за време на виртуелниот состанок што се одржа денес со нив. Како што претходно објавивме, Министерството за здравство е ангажирано со месеци во многу области за да обезбеди вакцина против ковид-19, со цел да ги исполни обврските што ги имаме кон граѓаните и да го заштитиме нивното јавно здравје. Владата на Косово и Министерството за здравство остануваат посветени на обезбедувањето заштита на нашите граѓани преку сеопфатна вакцинација против Ковид-19“, напиша Земај на Фејсбук.