Командантот на Сојузничките сили на НАТО за Европа (SACEUR), генералот Алексус Г. Гринкевич, во рамки на посетата на Армијата денеска заедно со генералот Сашко Лафчиски ќе ги посети припадниците на Армијата на настан што ќе се реализира во касарната „Илинден“ во Скопје.
Генералот Алексус Г. Гринкевич, како командант на Сојузничките сили на НАТО за Европа (SACEUR), има севкупна команда над операциите на НАТО на стратегиско ниво и своите должности ги извршува од седиштето на Врховната команда на сојузничките сили во Европа (SHAPE) во Монс, Кралството Белгија.
Во Министерството за одбрана и Генералштабот на Армијата вчера тој оствари средба со министерот за одбрана Владо Мисајловски и началникот на Генералштабот на Армијата, генерал-мајор Лафчиски.