Која е Русинката која го замолче „Терминатор“? Беше светска шампионка, вози тенк, но тоа не е сè (ФОТО)

Познатиот актер и политичар Арнолд Шварценегер неодамна преку социјалните мрежи му се обрати на рускиот народ и претседател Владимир Путин, па апелираше да прекине војната во Украина.

Шварценегер доби жесток одговор, и тоа од четирикратната светска шампионка во кревање тегови, Маријана Наумова.

„Ве повикувам да видите со ваши очи“, кажа Наумова меѓу другото во нејзиното обраќање.

Руската спортистка, која имаше можност да се сретне со политичарот, сними видео порака преку која лично му се обрати на „Терминатор“ и го праша зошто не реагирал за страдањето на децата во Донбас во период од 2014 до 2022 година.

Повеќекратната европска и светска шампионка со години е активна и дава поддршка на Русите во Донбас и Доњецк, а на нејзиниот профил може да се забележат фотографии со оружје, но и како вози тенк.

Меѓутоа, таа вели дека политиката треба да им се остави на политичарите, а личните ставови да се задржат.