Советот на јавните обвинители денеска ќе ја одржи својата 40-та седница, на која се очекуваат клучни кадровски одлуки во правосудниот систем. Главна точка на дневниот ред е изборот на виш јавен обвинител на Вишото јавно обвинителство – Скопје.
Покрај оваа позиција, членовите на Советот треба да донесат одлука и за пополнување на местата во Основното јавно обвинителство за гонење на организиран криминал и корупција (ОЈО ГОКК).
„На дневен ред е и донесување одлука за избор на јавни обвинители во Основното јавно обвинителство за гонење организиран криминал и корупција – Скопје“, стои во најавата за седницата.
Оваа седница првично беше закажана за 18 март, но по одложувањето, денеска се очекува конечно да се изберат новите обвинители кои ќе работат на најсложените предмети во државата.