Со реконструкцијата на Владата, Сашо Клековски ќе биде нов министер за здравство. По одлуката која вчера беше соопштена по седницата на ИК на ВМРО-ДПМНЕ.
Сашо Клековски се огласи на Фесјбук по одлуката:
-За секој пациент, секој ден!
Со голема чест и длабока одговорност ја прифаќам номинацијата на премиерот Христијан Мицкоски за Министер за здравство.
Овие две години како директор на Фонд за здравствено осигурување на Македонија не беа само работа — беа мисија! Секој лек што стана подостапен, секоја политика што ја спроведовме за полесен пристап до здравствена заштита, секој процес што го олеснивме за пациентите и за здравствените работници — зад сето тоа стоеa луѓе. Нивните грижи, нивните потреби, нивната доверба!
Денес, при посета на Општата болница во Куманово, ме застана пациент за да ми каже колку голем напредок е постигнат. Тој момент, повеќе од сè, ме потсети зошто оваа работа има смисла — не бројките, не извештаите, туку луѓето чии животи реално се подобрени.
Му благодарам на премиерот Hristijan Mickoski за довербата. Ја примам со скромност, со свест за тежината што ја носи и со ветување дека ќе работам со срце, посветеност и одговорност — за подобро здравство за сите нас!
Денес чувствувам дека тоа патување не завршува, туку добива нова, поголема димензија. Министерството за здравство не е само следна функција — тоа е можност грижата за здравјето на секој граѓанин да стане уште поголем приоритет, а резултатите да се чувствуваат во секој дом, во секоја болница низ Македонија.
Да живее Македонија!, напиша тој.