Километарски колони и зголемена фреквенција на возила се забележани утринава на излезот од Македонија кон соседна Грција.
Најкритична е состојбата на граничните премини „Богородица“ и „Дојран“, каде што возачите во моментов чекаат околу 40 минути за да ја поминат границата.
Камерите во живо на Јавното претпријатие за државни патишта покажуваат сериозен сообраќаен метеж и возила заглавени во неколку сообраќајни ленти.
За разлика од јужната граница, на останатите гранични премини во земјава во моментов нема подолги задржувања ниту за влез, ниту за излез.
Од АМСМ информираат дека сообраќајот на патните правци надвор од урбаните средини се одвива непречено и по суви коловози, но со умерен интензитет.
Официјалното соопштение и предупредувањето од АМСМ ви го пренесуваме во целост:
„Зголемена фреквенција на возила е забележана утринава на граничните премини „Богородица“ и „Дојран“, каде што возачите чекаат околу 40 минути за излез од државата… АМСМ апелира до возачите да ја прилагодат брзината на движење на условите на патот, да ја почитуваат поставената сообраќајна сигнализација и да управуваат внимателно со возилата, особено на делниците што минуваат низ котлини, речни долини и клисури, каде постои можност од појава на одрони.“