Кинематографска сцена се одвивала на патиштата во индиската држава Тамил Наду, откако полициски наредник останал да се држи за шипките на покривот на џип кој со голема брзина бегал од полицијата со тројца осомничени за шверц на забранет тутун.
Инцидентот се случил на 27 септември во округот Коимбаторе, кога осомничените со возилото се насочиле кон полицајците на патарина. Во обид да ги спречи, полицаецот се качил на возилото, по што возачот нагло се оддалечил развивајќи брзина од над 95 километри на час. Наредникот останал да се држи за шипките на покривот во текот на целото лудило долго повеќе од 40 километри.
Потерата поминала низ неколку области сè додека полициските екипи не успеале да го пресретнат и сопрат џипот во близина на раскрсницата Мангалам во Тирупур. Тројцата осомничени се уапсени, а полицаецот поминал без повреди.
При претресот, полицијата го запленила возилото и околу 250 килограми од супстанцата гутка – тутунски производ без чад чија продажба е законски забранета во Индија.