Од ЈП Комунална хигиена на социјалните мрежи информираат дека започнале со миење и дезинфекција на контејнерите.
ЈП Комунална хигиена-Скопје започна со реализација на акција за миење и дезинфекција на сите садови наменети за одлагање на отпадот поставени на територијата на градот Скопје.
Миењето на контејнерите се спроведува веднаш по нивното празнење, со употреба на специјални комунални возила со вап-надградба за миење под притисок. Екипите на ЈП Комунална хигиена-Скопје реализираат и комплетно миење на џебовите на микролокациите каде што се поставени садовите. Воедно, сите контејнери и микролокации се дезинфицираат со употреба на специјално средство за дезинфекција, стои во соопштението на ЈП Комунална Хигиена.
