Вчера полицијата регистрираше два одделни инциденти во кои возачи излетале од коловозот и кај двајцата било утврдено присуство на алкохол над законски дозволената граница.
На 16.11.2025 во 22:35 часот на ул.„Индустриска“ во Делчево, полициски службеници од ОВР Делчево го лишија од слобода Д.Д.(40) од Македонска Каменица. Претходно, тој со патничко возило „опел“ со регистарски ознаки македонска каменица, кое го управувал, излетал од коловозот, а по преземени мерки е констатирано дека е под дејство на алкохол, односно дека има 1,59 промили алкохол во крвта.
Исто така околу 16:00 часот на автопатот Штип-Скопје, полициски службеници од СВР Штип го лишија од слобода Д.Ј.(48) од Скопје. Претходно, тој со патничко возило „фиат пунто“ со скопски регистарски ознаки, кое го управувал, излетал од коловозот, а по преземени мерки е констатирано дека е под дејство на алкохол, односно дека има 1,95 промили алкохол во крвта.